再上書坊

剛過去的星期六，跟朋友去飯堂食完晚飯，一時興起走o左上某大書坊睇書。

其實屈指一算，自從森林休業後，都好耐冇去書坊睇過書。
所以積埋未睇o既漫畫都已經一大堆...

今次因為人多，所以貪新鮮開o左間房玩。
$24/hr一個人其實唔算貴，而且房入面有 Wii，又有電腦同大電視，所以其實都 OK 抵玩...
結果就咁坐o左兩個鐘，o左6本書，同笑o左一餐...

"聖誕節期間"，呢次都算係第一次同朋友們開懷盡興。

沒有玩樂的聖誕

近月因金融海潚，攪到我個人o既經濟情況都轉壞，所以就係聖誕前請o左幾日 AL 去做 Part-time 搵外快...

得朋友介紹，係08 - 09亞洲花樣滑冰錦標賽做o左一個小小o既 Event Assistant，工作係我近年o既喜好 - 影相。

http://picasaweb.google.com.hk/fourmok/200809DAY1

http://picasaweb.google.com.hk/fourmok/200809DAY2

http://picasaweb.google.com.hk/fourmok/200809DAY3OnIceOffIce

http://picasaweb.google.com.hk/fourmok/200809DAY4OffIceOnIce

工作由 20 - 23 日，基本上係由朝做到晚o既...

由於個冰場係九龍灣，所以交通唔多方便(尤其當要早出晚歸)。不過好在大會安排o左兩間4人房比工作人員，咁我又有幸住到，所以一切就變得方便好多。

第一用部相機搵食，而且一o黎就要玩高速o既運動攝影，其實壓力都好大，所以就學師傅教落「影佢一百幾十張，一定有用得o既相」呢個心法。

結果第一日六十幾場比賽，我就影o左 48GB 相...

雖然係 RAW，不過數量都真係好驚人...

咭我就當然冇咁多張，亦冇咁大容量，不過好在我一早準備o左部 notebook，係每一次 break time 度過相，咁先至攪得掂...

晚上返酒店之後，就開始執相。

Canon 跟機o既執 Raw 程式其實都幫o左我好多，最小可以成批相一次過攪光暗、白平衡... 咁唔駛一張張o黎咁花時間。

結果三日比賽，快門就用o左一年o既份量... 超過 一萬次....

而執完揀完o既相，就重有 >5k張...

所以我成個聖誕節假，就用曬係呢度...
(其實我都係執筆呢日先叫做完全完工... 囧rz)

不過點講都好la，我用相機搵水o既生涯可能真係會就咁開始...

上週小記

過去的星期六，為了去見從美國回來的堂兄，去了伯父家跟親戚們吃飯。

因為泡了好幾年粉嶺，所以很快就找到了伯父的新居。

看到孩子們一年比一年大，感覺還是有些複雜...

一兩年前還是個小毛頭，現在已經開始追女仔了...
印像中還是一個小不點，但是看清楚一點，原來已經有大人樣了...

越留意到他們的長大，就越發覺自己已經不再年輕...

老實說，如果不是早兩三年的一個決定，和這次的金融風暴，我也許也已經進入人生的下一個階段了...

中文版 Gundam ACE 休刊

自從 02 年創刊，我就一直有買 Gundam ACE。所以當近日，我從不同途徑得知中文版將會休刊時，是十分的驚訝及可惜。

作為一個"鋼宅"，我十分喜愛這一本月刊，而且華文世界的 "同好" 數量也很多，所以我一直以為 ACE 是不愁銷路的。

也許這個金融風暴真是太凌厲，又許者是我高估了其他 "鋼宅" 對 ACE 的支持。

不過可惜歸可惜，事已至此，只好希望出版社在回氣後會再次讓 Gundam ACE 復刊吧...
但在這之前，我就要頭痛一段時間... 因為我要找個其他方法追連載!!!!